اقلیتی بیروزگاروں کے لیے کانفرنس
آل انڈیا اسمال اسکیل انڈسٹریز مائیناریٹیزکمیٹی کے صدر زیڈ سعید نے خود کماؤ خود کھاؤ اسکیم کے توسیعی پروگرام کے تحت تعلیم یافتہ نوجوانوں کو روزگار سے جوڑنے کے لئے انفارمیشن ٹکنالوجی سے مربوط پروگرام تیار کیا ہے تاکہ مسلمانوں میں مسلسل بڑھتی ہوئی بیروزگاری کی صورت حال پر اس مسئلہ کو حل کرتے ہوئے معیشت کو بہتر اور مستحکم بنایاجاسکے۔
اس سلسلہ میں 12فبروری کو5:30 بجے شام تا 9:00 بجے شب تلگو یونیورسٹی آڈیٹوریم نامپلی میں فری بزنس کانفرنس کا انعقاد عمل میں لایا جارہا ہے‘ ای مارکٹنگ اور بزنس کے ماہرین خطاب کریں گے۔ مس ارچنا پروہت اگروال فاؤنڈر و سی ای او ڈیجیٹل او زون‘ مس چاروشیلا بسواس کنٹنٹ رائٹر‘ مس چاروشیلا بسواس کنٹنٹ رائٹنگ میں مواقع کے موضوع پر‘ مس روبینہ مدھانی فارن لینگویج کی اہمیت اور مس انکیتا گپتا‘ فاؤنڈر ایم ڈی انفرل میڈیا کاروبار کے آغاز کے لئے خواتین کو درپیش چیلنجس کے عنوان پر روشنی ڈالیں گی۔
اس موقع پر جئے ای پین سی ای او برائیٹ کیمپ‘ ٹیلنٹ کی کھوج تعلیم کے بعد‘ کے عنوان پر‘ راج میسا ویڈیو مارکٹنگ کوچ ویڈیو مارکٹنگ کے موضوع پر‘ راہول جین موٹیویشن اسپیکر‘ آپ کا مسئلہ کیا ہے‘ ایچ محمد ناصر ڈیجیٹل مارکٹنگ ٹرینر گھر بیٹھے کس طرح آن لائن پیسہ کمائیں کے عنوان پر مخاطب کریں گے۔
صدر کمیٹی جناب ایس زیڈ کم سرمایہ سے چھوٹے پیمانہ کی صنعت و کاروبار کیسے شروع کریں کے موضوع پر روشنی ڈالیں گے۔ سیمسن پرکاش راؤ نائب صدر اور کم عمر سافٹ ویر ڈولپ کرنے والی لڑکی زنیرہ خان کا بھی خطاب ہوگا۔
صدر سعید نے کہا کہ انفارمیشن ٹکنالوجی میں ترقی کے سبب اب تعلیم یافتہ نوجوانوں کے لئے گھر بیٹھے کام کرنے اور پیسہ کمانے کے کئی طریقے دنیا بھر میں رائج ہیں۔ انہوں نے کہا کہ اس کانفرنس کا مقصد یہ ہے کہ کم سرمایہ رکھنے والوں کی بلا معاوضہ مناسب رہبری کی جائے۔