لاک ڈاؤن: چھوٹے کاروباری معاشی بحران سے دوچار

سیاحتی مقامات ہونے کے سبب حیدرآباد میں چھوٹے بڑے سبھی کاروبار ہوتے ہیں، جسیے آرٹیفیشل موتیوں کے ہار، عنیک، بیگ، اور دیگر اشیاء یہاں فروخت ہوتی ہیں۔

حیدرآباد میں عالمی وبا کورونا وائرس کے پیش نظرکیے گئے لاک ڈاؤن کے سبب سبھی کاروباری پریشان ہیں، ان لاک فور کے نفاذ کے بعد بھی کاروبار طبقہ معاشی بحران سے دوچار ہے۔

چارمینار علاقہ ایک سیاحتی مقام ہے، لاک ڈاؤن سے قبل یہاں ہمیشہ سیاحوں کی بھیڑ امنڈتی تھی، لیکن کورونا وبا کے سبب اب یہاں بہت کم لوگ نظر آتے ہیں، جو لوگ یہاں گھومنے آتے بھی ہیں وہ خرید و فروخت نہیں کرتے۔

ہار بیچنے والے محمد مکرم نے بتایاکہ سیاحوں کے آنے کے سبب یہ کاروبار ہوتا ہے، لاک ڈاؤن ختم ہونے کے باوجود کاروبار نہ کے برابر ہورہا، روزانہ 200 سے 300 روپے کی آمدنی ہورہی ہے۔ گھر کے اخراجات کم نہیں ہورہے، پہلے یہ کاروبار کئی لوگ کرتے تھے لاک ڈاؤن کے بعد صرف 10 لوگ ہی یہ کاروبار کر رہے ہیں۔ ان لوگوں نے حکومت سے اپیل کی ہے کہ وہ یہ چھوٹے کاروباریوں کو لون اور مالی امداد کریں-