شیوا کمار امریکہ کے 'ایری زونا میڈیکل بورڈ' کے رکن منتخب

تلنگانہ سے تعلق رکھنے والے ڈاکٹر شیوا کمار وائی گوسی امریکہ کے ایری زونا میڈیکل بورڈ کے رکن بنائے گئے۔

وقارآباد ضلع کے کوڑنگل سے تعلق رکھنے والے ڈاکٹر شیوا کمار وائی گوسی فی الحال امریکہ کے ایری زونا میں ڈپارٹمنٹ آف میڈیسن کے صدر ہیں۔ تلنگانہ کے گاندھی میڈیکل کالج سے ایم بی بی ایس مکمل کرنے والے ڈاکٹر شیوا کمار نے ہندوستانی این آر آئی ڈاکٹر کے طورپر اس بورڈ کے رکن مقرر کئے جانے کو اپنے لئے اعزاز قرار دیا۔

ایم بی بی ایس کی تکمیل کے بعد ڈاکٹر شیوا کمار نے پبلک ہیلت میں ماسٹرس کی ڈگری کی تکمیل کی اور امریکہ کی ایسٹ تینسسے یونیورسٹی سے ایم ڈی کورس مکمل کیا۔ وہ 2013 سے لائسنس یافتہ فزیشین کے طورپر خدمات انجام دے رہے ہیں۔

۔یواین آئی۔