کلکٹرنے ایس سی ہاسٹل کا دورہ کیا

ضلع محبوب نگر کے کلکٹر وی پی گوتم نے آج ایس سی ہاسٹل کا دورہ کیا اور یہاں کے حالات کا جائزہ لیا۔

تلنگانہ ضلع محبوب نگر کے کلکٹر وی پی گوتم نے آج ایس سی ہاسٹلز کا دورہ کیا اور یہاں کے حالات کا جائزہ لیا۔

انھوں نے اچانک دورہ کرتے ہوئے ہاسٹلز کا جائزہ لیا۔ طلبا سے بات کی اور ان کے مسائل سے آگاہی حاصل کی۔ مذکورہ کلکٹر نے طلبا کے ساتھ کھانا کھایا۔

مذکورہ کلکٹر کسی بھی بے قاعدگی اور بدعنوانی کے لیے سخت اقدام کرنے کے لیے جانے جاتے ہیں۔ ان کے ضلع محبوب نگر کے تبادلے کے بعد افسران الرٹ ہوگئے ہیں۔

محبوب نگر ضلع ریاست تلنگانہ کا ایک ضلع ہے۔ محبوب نگر ضلع ہیڈ کوارٹر ہے جو پالمور کے نام سے بھی مشہور ہے۔

ضلع نارائن پیت، وقارآباد، رنگاریڈی، ناگرکرنول، واناپارتھی اور جوگولمبا گدوال اضلاع اس کے حدود ہیں۔

حیدرآباد ریاست کے چھٹے نظام نواب شاہ محبوب علی خان، کے دور میں یہ ضلع قائم اور آباد ہوا۔ اسی وجہ سے اس کا نام محبوب نگر رکھا گیا ہے۔