' غیر ملکی تبلیغی جماعت کے کارکن پر عائد مقدمات کو خارج کیا جائے'

صدر جمعية علماء تلنگانہ-آندھراپردیش مولانا حافظ پیر شبیر احمد نے میڈیا پریس کانفرنس سے خطاب کرتے ہوئے حکومت تلنگانہ و آندھرا پردیش سے مطالبہ کیا کہ وہ غیر ملکی شہریوں پر عائد مقدمات فوراً واپس لے۔

انہوں نے اس ضمن میں مدراس ہائی کورٹ، ممبئی ہائی کورٹ، دہلی ہائی کورٹ اور الہ آباد ہائی کورٹ کا حوالہ دیتے ہوئے کہا کہ' ان غیر ملکی تبلیغی جماعت کے کارکنان کے مقدمات خارج کرکے انہیں جلد از جلد گھر واپس بھیجا جائے'۔

ممتاز عالم دین مولانا پیر شبیر احمد نے میڈیا سے خطاب کرتے ہوئے کہا کہ حیدر آباد کے رکن پارلیمان اسد الدین اویسی نے بھی تلنگانہ کے وزیر داخلہ سے اس معاملے میں مداخلت کی اپیل کی ہے۔ انہوں نے کہا کہ' حیدرآباد سمیت آندھراپردیش میں پھنسے تبلیغی جماعت کے کارکن میں خواتین بھی شامل ہیں اور وہ گذشتہ پانچ ماہ سے مشکلات کا سامنا کررہے ہیں۔ اس لیے ہماری اپیل ہے کہ ان کے مقدمات کو خارج کرکے انہیں جلد از جلد گھر واپس بھیجا جائے'۔