سائبرآباد: پولیس ملازمین نے خون کا عطیہ کیا

سائبرآباد پولیس کمشنرسجنارنے کہا کہ پولیس کے بغیر سماج کا تصور نہیں کیا جاسکتا۔

سائبرآباد پولیس کمشنریٹ حدود میں میگا بلڈ ڈونیشن کیمپ کا انعقاد عمل میں لایا گیا۔ پولیس شہدا تقاریب کے موقع پر اس کیمپ کا انعقاد عمل میں لایا گیاہے۔

اس موقع پر کمشنر سجنار نے کہا کہ پولیس 24 گھنٹے عوام کی مدد کے لیے دستیاب رہتی ہے۔ انھوں نے کہا کہ پولیس کے کئی اہلکار سماج ،ملک اور نئی نسل کی بھلائی کے لیے اپنی جانوں کا نظرانہ دے چکے ہیں ۔انھوں نے کہا کہ پولیس کے بغیر سماج کا تصور نہیں کیا جاسکتا۔

انھوں نے کہا کہ پولیس شہدا سے متعلق کی جانے والی ہر تقریب کو عوام نے کامیاب کیا ہے،اس موقع پر آن لائن پولیس کے ہتھیار دکھائے گئے۔

گزشتہ برس حیدرآباد کے مضافات میں دیشا انکاونٹر کو انجام دینے والی ٹیم کے سربراہ مذکورہ پولیس کمشنر ہی تھے۔