مسلم لڑکےسے صارف کا کھانا لینے سےانکار

تلنگانہ کے شہر حیدرآباد میں آن لائن کھانا فراہم کرنے والی کمپنی سویگی کے ،ڈیلیوری بوائے، کے مذہب کو لیکر نفرت کا واقعہ منظرعام پر آیا ہے۔

حیدرآباد کے شاہ علی بنڈہ پولیس کے مطابق سویگی کے ایکزیکیٹیو مدثر سلیمان نے ایک شکایت درج کرا ہے جس میں کہا ہے کہ ایک صارف نے اس سے کھانا اس لیے لینے سے منع کردیا کیونکہ کھانا پہنچانے والا لڑکا مسلم تھا۔
اس ضمن میں انسپکٹر پولیس پی سری نواس نے کہا کہ وہ اس معاملہ کو دیکھ رہے ہیں اور جلد ہی صارف کے خلاف ایف آئی آر درج کیا جاسکتا ہے۔
صارف نے چکن 65 آرڈر کیا تھا اور ساتھ میں یہ بھی کہا کہ کھانا پہنچانے والا شخص ہندو ہونا چاہئے، مگر اس لوکیشن پر مسلم ڈیلیوری بوائے مقرر تھا اور سویگی نے حسب معمول مسلم لڑکے سے کھانا روانہ کیا۔
اس موقع پر بتایا گیا کہ جب مسلم لڑکے نے گھر کا پتہ جاننے صارف سے رابطہ کیا تو اس نے نام پوچھا اور کھانا لینے سے انکار کرتے ہوئے نازیبا الفاظ بھی استعمال کیے۔
واضح رہے اسی طرح کا تعصب اور نفرت کا ایک واقعہ ریاست مدھیہ پردیش میں زوماٹو کمپنی کے ڈیلیوری بوائے کے ساتھ دو ماہ قبل پیش آیا تھا۔