وزیر اعلی کے سی آر نے آبی پراجکٹس کا جائزہ لیا

تلنگانہ کے وزیراعلی کے سی آر نے جمعرات کے روز ضلع محبوب نگر کے دورہ کے موقع پر،کریوینا، اور، وٹیم،آبی پراجکٹس کا جائزہ لیا۔

اس موقع پر انھوں نے پراجکٹ انجنئیرس اور عہدیداران کے ساتھ اس پراجکٹ کے زیر التوا کاموں کی تفصیلات حاصل کیں، وزیر اعلی نے عہدیداران اور انجنئیرس سے مذکورہ آبی پراجکٹس کو جنگی خطوط پر مکمل کرنے کی ہدایت دی۔
وزیراعلی نے کہا کہ رنگا ریڈی، پالمور آبی پراجکٹ کی تکمیل کے لئے،کریوینا،پراجکٹ کا مکمل ہونا اہم ہے، اس موقع پر انھوں نےمتعلقہ افسران کو ساڑھے چار مہینے کے اندر اس پراجکٹ کو مکمل کرنے کی ہدایت دی۔
انھوں نے زور دیا کہ کام جنگی خطوط پر انجام دیا جانا چاہئے،اور اس لیے تین شفٹوں میں کام جاری رکھنے کی انھوں نے ہدایت دی۔