ایرپورٹ جانے والی بس حادثہ کا شکار

حیدرآباد کے راجیو گاندھی انٹرنیشنل ایرپورٹ جانے والے مسافرین کی بس حادثہ کا شکار ہوگئی تاہم اس حادثہ میں تمام مسافرین محفوظ رہے اور صرف بس کا ڈرائیور زخمی ہوگیا۔

یہ حادثہ اتوار کی صبح مانصاحب ٹینک فلائی اوور پر اُس وقت پیش آیا جب بس ڈرائیور نے اس کا توازن کھودیا جس کے نتیجہ میں یہ بس ڈیوائیڈر سے ٹکرا گئی۔اس حادثہ میں بس کا ڈرائیور زخمی ہوگیا اور بس کے سامنے کے حصہ کو نقصان پہنچا تاہم کرشماتی طورپر ایرپورٹ جانے والے مسافرین محفوظ رہے۔اطلاع ملتے ہی پولیس وہاں پہنچی جس نے اس سلسلہ میں ایک معاملہ درج کرلیا اور بس کو وہاں سے ہٹادیا۔