حیدرآباد: میلادالنبی کے موقع پرخون کا عطیہ

حیدرآباد کے افضل گنج میں میلاد النبیﷺ کے موقع پر خون کا عطیہ کیمپ منعقد کیا گیا۔

نبی اور رسول حضرت محمد صلی اللہ علیہ وسلم کی یوم ولادت کے موقع پر مختلف انداز میں میلاد منائی جاتی ہے کہیں جلسے کہیں جلوس کا اہتمام کیا جاتا ہے لیکن چند عاشق رسول ایسے بھی ہیں جو انسانیت کے پیغام کو عام کرنے کے لیے خون کے عطیے کا اہتمام کرتے ہیں۔

اسی طرح کی ایک پہل کے طور پر حیدرآباد کی امام شاہی مسجد باغ عامہ کے امام مولانا احسن بن محمد الحمومی اور اقارب کی جانب سے افضل گنج میں واقع کتب خانہ آصفیہ میں 11 واں میلادالنبی بلڈ کیمپ کا اہتمام کیا گیا۔اس موقع پر کثیر تعداد میں نوجوانوں نے خون کا عطیہ دیا، امام صاحب نے بتایاکہ میلاد النبی کے موقع پر 11 برس قبل اس کیمپ کا آغاز عمل میں لایا گیا تھا تاکہ ضرورت مندوں کو خون کا عطیہ دیتے ہوئے نبی صلی اللہ علیہ وسلم کی تعلیمات کو عام کیا جا سکے۔ جس کے نتیجے میں آج اس کیمپ سے ان افراد کو تعاون کیا جارہا ہے جو خون کی کمی کے مرض میں مبتلا ہیں۔ اس موقع پر پروفیسر مصطفی علی سروری نے بتایا کہ وہ خون کا عطیہ دے کر جشن میلاد مناتے ہیں تاکہ دنیا کو یہ پیغام دیا جا سکے کہ مسلمان خون بہاتے نہیں خون عطیہ کرتے ہیں۔