اترپردیش کے وزیر اعلیٰ یوگی آدتیہ ناتھ کے حیدرآباد دورے کے بعد اسد الدین اویسی نے یوگی کے حیدرآباد کا نام بھاگیہ نگر کرنے والے بیان پر کہا کہ بی جے پی کا ہدف حیدرآباد کا نام بدلنا ہے۔ یہ انتخاب بھاگیہ نگر بنام حیدرآباد ہے۔
بی جے پی کے ٹکٹ تقسیم کو لے کر اویسی نے حملہ بولتے ہوئے کہا کہ وہ ہمیں فرقہ پرست کہتے ہیں تو یہ بتائیے ہم نے ہندوؤں کو ٹکٹ دیا ہے۔ اب بی جے پی بتائے کہ بی جے پی نے کتنے مسلم امیدواروں کو ٹکٹ دیا ہے۔ بی جے پی کا ہدف صرف حیدرآباد کا نام بدلنا ہے۔ یہ بھاگیہ نگر بنام حیدرآباد ہے۔ میں آئین کا حلف لیتاہوں اور یہ لوگ مجھے جناح کہتے ہیں۔
در اصل حیدرآباد میں اتنخابی تشہیر کے لیے پہنچے یوگی نے روڈ شو کے دوران کہا کہ ' ہم سب کو یہ طے کرنا ہے کہ ایک کنبہ اور دوست منڈی کی لوٹ کھسوٹ کی آزادی دینی ہے یا پھر حیدرآباد کو بھاگیہ نگر بناکر ترقی کی نئی بلندیوں پر لے جانا ہے۔ دوستوں یہ آپ کو طے کرنا ہے'