'پولیس نے نقاب پوشوں کو تشدد کا موقع دیا'

مجلس اتحاد المسلمین کے صدر اسد الدین اویسی نے جے این یو تشدد کی سخت مذمت کی ہے۔ انہوں نے کہا کہ 'اس میں کوئی شبہ نہیں ہے کہ نقاب پوش عناصر جنہوں نے تشدد برپا کیا، انہیں حکمراں جماعت کی پشت پناہی حاصل تھی اور انہیں تشدد کرنے کا اشارہ دیا گیا تھا۔'

اویسی نے کہا کہ 'انہیں زیادہ افسوس اس بات پر ہے جس میں پولیس غنڈوں کو اندر داخل ہونے کی راہ ہموار کرتی دکھائی دی۔ جس کا ویڈیو منظر عام پر آیا ہے۔'

انھوں نے کہا کہ یہ ایک بزدلانہ اقدام ہے جسے نقاب پوش عناصر نے انجام دیا، انھوں نے پولیس کی تحقیقات پر سوال اٹھائے۔اس موقع پر انھوں نے حکومت سے دستوری فرائض انجام دینے کا مشورہ دیا۔جے این یو میں گزشتہ روز کچھ نقاب پوش غنڈوں نے ہاسٹل میں گھس کر طلبا کے ساتھ مارپیٹ کی جس کی وجہ 20 سے زائد طلبا بری طرح زخمی ہوگئے۔