حیدرآباد میں شدید بارش کے پیش نظر تلنگانہ حکومت نے گریٹرحیدرآبادمیونسپل کارپوریشن(جی ایچ ایم سی)کے حدود کے تمام سرکاری دفاتر،پرائیویٹ اداروں کے لئے آج اور کل تعطیل کا اعلان کیا ہے۔سرکاری پریس ریلیز میں یہ بات بتائی گئی۔
تعطیل دینے کافیصلہ وزیراعلی کے چندرشیکھرراو کی ہدایت پر کیاگیا۔اس سلسلہ میں چیف سکریٹری سومیش کمار نے احکام جاری کئے۔
انہوں نے ساتھ ہی جی ایچ ایم سی کے عہدیداروں اور ضلع کلکٹرس کو ہدایت دی کہ وہ نشیبی علاقوں میں رہنے والوں کے لئے راحت کیمپس کا انتظام کریں اور لوگوں کو محفوظ مقامات پر منتقل کرنے کے اقدامات کریں۔حکومت نے عوام کو مشورہ دیا کہ وہ ضروری کام پر ہی گھروں سے باہر نکلیں۔
بارش کے پیش نظر شہریوں سے خواہش کی گئی ہے کہ وہ کسی بھی ہنگامی صورتحال پر فون نمبرات پرربط پیدا کریں۔فون نمبرات اس طرح ہیں۔040 - 211111111،جی ایچ ایم سی ڈیزاسٹر مینجمنٹ ڈپارٹمنٹ
90001 13667, 97046 01866،محکمہ بجلی کا نمبر94408 13750،این ڈی آرایف کے نمبرات
83330 68536, 040 2955 5500۔عوام سے خواہش کی گئی ہے کہ وہ ہنگامی صورتحال پر ان نمبرات پر ربط پیدا کریں۔