حیدرآباد میں وکلاء کا احتجاج

شہریت ترمیمی قانون کی مخالفت میں حیدرآباد کے تعلیمی اداروں، مولانا آزاد نیشنل اردو یونیورسٹی، حیدرآباد سنٹرل یونیورسٹی اور عثمانیہ یونیورسٹی کے بعد اب ہائی کورٹ کے وکلاءنے بھی صدائے احتجاج بلند کیا۔

بدھ کے روز ہائی کورٹ کے باہر وکلاء نے سی اے اے کی شدید مخالفت کرتے ہوئے اس قانون کو واپس لینے کا پر زور مطالبہ کیا۔

وکلاء برادری نے اس قانون کو آئین کے مخالف قرار دیا اور کہا کہ 'اس قانون کے نفاذ کے ذریعے حکومت ملک کو تقسیم کر رہی ہے، کیونکہ دستور میں اس کی بالکل اجازت نہیں ہے کہ کسی طبقہ کو مذہب کی بنیاد پر شہریت دی جائے'۔