'پولیس نے گواہ کو خودکشی کرنے پر مجبور کردیا'

تلنگانہ کے ضلع بھدرادری کتہ گوڑم کے اشواراو پیٹ میں ایک نوجوان نے خودکشی کرلی، رشتہ داروں کے مطابق کلیان نامی نوجوان نے پولیس کے غلط سلوک اور ڈرادینے والے رویہ کی وجہ خودکشی کرلی۔

تفصیلات کے مطابق کچھ دن قبل اشواراو پیٹ میں کچھ عناصر نے ایک اے ٹی ایم کو توڑ کر اس میں موجود رقم کا سرقہ کرلیا تھا، کلیان اس واقعہ کا گواہ بتایا گیا۔

پولیس کلیان سےسارقین کی تلاش کو لیکر مسلسل پوچھ تاچھ کررہی تھی، جس سے تنگ آکر مذکورہ نوجوان نے خودکشی کرلی، اس موقع پر رشتہ دار اور دوستوں نے ایمبولینس کی عدم دستیابی کی وجہ ٹووہیلر پر اسپتال پہنچایا تاہم وہ پہلے سے ہی فوت ہوگیا تھا۔اس واقعہ پر مہلوک کے رشتہ داروں نے بڑے پیمانہ پر احتجاج کیا اور پولیس کو اس کا ذمہ دار قرار دیا، انھوں نے کہا کہ پولیس نے سارقین کو پکڑنے کے بجائے ایک عام آدمی کو ہراساں کرتے ہوئے اسے خودکشی کرنے پر مجبور کردیا۔