ٹریکٹر اسکول کی عمارت میں گھسا، ایک خاتون ہلاک

ٹریکٹر کے اسکول کی عمارت میں گھس جانے کی وجہ سے ایک خاتون ہلاک ہوگئی۔ یہ حادثہ ضلع کے مدھیرا منڈل کے رامچندراپورم گورنمنٹ پرائمری اسکول میں پیش آیا۔

بتایا جاتا ہے کہ خاتون جو اسکول کے گورنمنٹ پرائمری اسکول میں کھانہ پکانے والی ایک خاتون کو ٹریکٹر نے ٹکر مار دی جس کی وجہ سے خاتون کی موت ہو گئی۔

ٹریکٹر کے ڈرائیور نے گاڑی کا توازن کھو دیا، جس کی وجہ سے یہ حادثہ پیش آیا۔ دوسری طرف اس حادثہ کی اطلاع ملتے ہی اسکول میں پڑھنے والے بچوں کے والدین بڑی تعداد میں وہاں پہنچ گئے اور بچوں کے محفوظ رہنے پر راحت کی سانس لی۔

اطلاع ملتے ہی پولیس وہاں پہنچی جس نے ٹریکٹر کے ڈرائیور کو حراست میں لے لیا اور تحقیقات شروع کر دی۔