کورونا کی وجہ سے پوری ریاست مدھیہ پردیش میں سخت لاک ڈاؤن کیا گیا ہے اس کے باوجود کچھ لوگ لاک ڈاؤن کی خلاف ورزی کرنے سے گریز نہیں کررہے ہیں۔
پولیس کی آنکھوں میں دھول جھونک کر لوگ نے انجانے راستوں سے نکلنے کا ایک ذریعہ بنا لیا ہے۔ ٹکم گڑھ اور ضلع چھتار پور کی سرحد کو ملانے والی گررولی چیک ڈیم کے ذریعے لوگ ایک طرف سے اپنی جان کو خطرے میں ڈال کر دوسری طرف جارہے ہیں۔
اس طرح سے آنے اور جانے میں کبھی بھی اور کسی بھی وقت حادثہ ہوسکتا ہے اور پولیس کے منع کرنے کے بعد بھی لوگ باز نہیں آرہے ہیں تو پھر پولیس نے سختی کا مظاہرہ کیا اور ڈیم کو عبور کرنے والوں کے خلاف سخت کارروائی کی جارہی ہے۔