بادل چودھری معاملے میں بے ضابطگی برتنے پر تین افسروں سے جواب طلب

بیورونے گھپلے کے ملزم تعیمرات عامہ محکمے کے سابق وزیر بادل چودھری کے معاملے میں بے ضابطگی برتنے کے معاملے میں تین افسروں کو وجہ بتاؤ نوٹس جاری

تریپورہ پولیس احتساب بیورونے گھپلے کے ملزم تعیمرات عامہ محکمے (پی ڈبلیو ڈی)کے سابق وزیر بادل چودھری کے معاملے میں بے ضابطگی برتنے اور عہدے کا غلط استعمال کرنے کے معاملے میں دو پولیس سپرٹنڈنٹ (ڈی ایس پی)سمیت تین افسروں کو وجہ بتاؤ نوٹس جاری کرتے ہوئے ان سے ایک ہفتے میں جواب طلب کیا ہے۔

مغربی اگرتلا تھانہ کے انچارج سبرت چکرورتی ،ڈی ایس پی (سینٹرل)دھروو ناتھ اور ڈی ایس پی (کرائم برانچ)اجے داس پر ملزم وزیر چودھری، ان کی بیوی نمیتا گوپے اور بیٹی شرییا چودھری کی گرفتار اور حراست کے دوران تریپورہ پولیس ایکٹ کے التزامات کے ساتھ ساتھ انسانی حقوق کی بھی خلاف ورزی کرنے کا الزام لگایاگیا ہے۔

شرییا نے احتسابی بیورو میں اپنی شکایت میں کہا30 اکتوبر کو مسلح پولیس اہلکاروں نے آئی سی یو میں داخل ان کے والد بادل چودھری کے علاج میں رکاوٹ پہنچائی۔وہ بغیر میڈیکل صلاح کے اسپتال کے پیچھے کے دروازے سے انہیں باہر لے گئے۔

پولیس افسروں نے میری ماں نمیتا گوپے اور میرے ساتھ برا برتاؤ کیا جو انسانی حقوق کی خلاف ورزی ہے۔شرییا نے بیورو سے کہا کہ شروع سے ہی اسپتال میں ان پر ایسے ظلم کئے گئے اور اس کے بعد پولیس چوکی میں ان کے والد بادل چودھری اور بعد میں سرکاری اسپتال میں انہیں اذیتیں دی گئیں۔

میڈیا اور ٹیلی ویژن کلپ کی شکایت کی بنیاد پر بیورو نے تین پولیس افسروں پر عہدے کا غلط استعمال کرنے کے الزام میں ان سے جواب طلب کیاہے۔

ریٹائرڈ چیف انجینئر سنیل بھومک اور سابق وزیر بادل چودھری کے خلاف پولیس کارروائی کے بعد گزشتہ 13اکتوبر کو ایف آئی آر درج کی گئی تھی ،جن پر 08-2007 کے دوران پی ڈبلیو ڈی کانٹرکٹ میں 164کروڑ روپے کے گھپلے کا الزام لگایاگیا ہے۔