آسام میں آن لائن کلاسز سے محروم طالب علم نے خودکشی کر لی

آسام کے ضلع چیرانگ میں ایک 16 سالہ طالب علم نے خودکشی کرلی کیونکہ اس کے پاس اسمارٹ فون نہیں تھا جس کی وجہ سے وہ آن لائن کلاسز میں شامل ہونے سے محروم تھا۔

ذرائع کے مطابق دسویں جماعت کا ایک طالب علم اسمارٹ فون نہ ہونے کی وجہ سے آن لائن کلاسز میں ہونے والی پڑھائی اور اسکول کی جانب سے لئے جانے والے امتحانات میں شرکت نہ کرنے کے تعلق سے پریشان تھا۔ اس کا کنبہ بہت غریب ہے۔

چیرانگ کے پولیس سپرنٹنڈنٹ سدھاکر سنگھ نے بتایا کہ طالب علم منگل کی رات اپنے گھر کے نزدیک مردہ پایا گیا ۔ طالب علم کی والدہ کام کی تلاش میں بنگلور گئی ہیں جبکہ اس کے والد کا کوئی روزگار نہیں ہے۔ اسے آن لائن کلاسز میں شامل ہونے کے لئے اسے اسمارٹ فون کی ضرورت تھی لیکن اس کے والد اسے فون نہیں دلا سکا ۔

انہوں نے بتایا کہ ہمسایہ اور اس کے کچھ قریبی دوستوں سے بات کرنے کے بعد پتہ چلا کہ اس صورتحال کے تعلق طالب علم کافی پریشان رہتا تھا۔ اسی وجہ سے اس نے خودکشی کرنے کا فیصلہ کیا ہوگا۔ لاش پوسٹ مارٹم کیلئے بھیج دی گئی ہے اور رپورٹ کا انتظار کیا جا رہا ہے۔

واضح رہے کہ عالمی وبا کورونا وائرس (کووڈ ۔19) کی وجہ سے اسکول اور کالج مارچ سے بند کردیئے گئے تھے اور ان میں اب آن لائن کلاسز اور امتحانات منعقد کئے جا رہے ہیں ۔ لیکن کلاسز یا امتحانات میں شریک ہونے کے لئے سمارٹ فون کی ضرورت ہوتی ہے۔