سنی دیول کے نام پوسٹر

گرداس پور کے رکن پارلیمان سنی دیول سے ناراض لوگ علاقے میں پوسٹر چسپاں کر رہے ہیں۔ ان کا کہنا ہے کہ 'ایم پی بننے کے بعد سنی دیول نے یہاں آنے کی ضرورت ہی نہیں سمجھی۔'

پنجاب کے گرداس پور پارلیمانی حلقے سے سنہ 2019 میں بھارتیہ جنتا پارٹی کی جانب سے انتخابات میں کامیابی حاصل کرنے والے بالی ووڈ اداکار سنی دیول سے ناراضگی کا اظہار کرتے ہوئے لوگوں نے ان کے نام کا پوسٹرلگا دیا ہے۔

پٹھان کورٹ کی عوام کو اپنے 'ایم پی'کی تلاش

مقامی لوگوں کا کہنا ہے کہ 'انتخابات جیتنے کے بعد سے وہ ایک بار بھی عوام کے بیچ نہیں آئے۔'

ان تمام حالات کے پیش نظر لوگوں نے سنی دیول کے پوسٹر پر 'گمشدہ کی تلاش' لکھ کر بس اڈوں، ریلوے اسٹیشنوں پر چپکا دیا ہے۔