گھوسی اسمبلی حلقہ میں 21 اکتوبر کو ضمنی انتخابات

ریاست اترپردیش کے ضلع مئو کے گھوسی اسمبلی حلقہ میں ضمنی انتخابات ہونے ہیں، تاریخ کا اعلان ہوتے ہی انتظامیہ حرکت میں ہیں۔

انتخابات کی تاریخ کا اعلان ہوتے ہی ضلع انتظامیہ نے سب سے پہلے چوراہوں پر لگے سیاسی جماعتوں کے ہورڈنگز و پوسٹر ہٹائے۔

یادر رہے کہ ضلع مئو کے گھوسی حلقہ سے بہار کے گورنر پھاگو چوہان رکن اسمبلی تھے۔ بہار کے گورنر منتخب کیے جانے کے بعد انہوں نے اسمبلی کی رکنیت سے استعفی دے دیا تھا، تبھی سے یہ نشست خالی تھی جہاں 21 اکتوبر کو ضمنی انتخابات ہونے ہیں۔ اور 24 اکتوبر نتائج کا اعلان کیا جائے گا۔

انتظامیہ کی جانب سے کی جانے والی کارروائی کو مثبت انداز میں دیکھا جارہا ہے۔