گونڈہ میں سڑک حادثہ، دو نوجوانوں کی موت

ضلع گونڈہ کے چھپیا علاقے میں اتوار کو ہوئے سڑک حادثے میں موٹر سائیکل سوار دو نوجوانوں کی موت ہو گئی۔

ریاست اترپردیش میں ضلع گونڈہ کے چھپیا علاقے میں اتوار کو ہوئے سڑک حادثے میں موٹر سائیکل سوار دو نوجوانوں کی موت ہو گئی۔

پولیس کے ترجمان نے یہ اطلاع دی۔ انہوں نے بتایا کہ مسکنوا-ببھنان روڈ پر تیز رفتار موٹر سائیکل بے قابو ہوکر پورب موڑ کے پاس سڑک کے کنارے واقع سنگ میل سے ٹکرا گئی۔

اس واقعہ میں بلرام پور رہائشی دلیپ (30) اور اس کا 38 سالہ ہم زلف زخمی ہو گئے دونوں زخمیوں کو ہسپتال بھیجا گیا جہاں ڈاکٹروں نے انہیں مردہ قرار دے دیا۔

انہوں نے بتایا کہ بلرام پور رہائشی دلیپ اپنے ہم زلف کے ساتھ رشتہ داری میں جا رہا تھا اور یہ حادثہ ہو گیا۔ پولیس نے ان کے اہل خانہ کو اطلاع دے دی ہے۔