دیوریا: دو پولیس اہلکار معطل

ریاست اترپردیش کے ضلع دیوریا کے لار علاقے میں متاثرہ کی مدد کرنے کے عوض میں دعوت مانگنے والے دو پولیس اہلکار کو معطل کردیا گیا ہے۔

دیوریا پولیس ترجمان نے بتایا کہ لار علاقے کے ایک گاؤں میں ایک فوجی کا کنبہ رہتا ہے، جہاں جوان کے کنبے کو اس کے آس پاس مویشی چَرانے والے لڑکے پریشان کرتے تھے۔

جس کی شکایت جوان کی بیوی نے لار تھانے میں کی تھی، شکایت کے بعد بھی کوئی کاروائی نہ ہونے پر متاثرہ نے ایس پی سے اس کی شکایت کی، جس کے بعد ایس پی نے اس مسئلے کو سنجیدگی سے لیا۔

دعوت مانگنے والے دو پولیس اہلکار کو معطل

انہوں نے بتایا کہ اس کی جانچ کرائی گئی تو رپورٹ میں پایا گیا کہ ڈائل 122 کے پربھوناتھ سنگھ یادو اور تھانہ لار پر تعینات سپاہی کیڈی یادو کی جانب سے دعوت مانگی گئی تھی۔

واضح رہے کہ اس کے بعد ایس پی نے دونوں پولیس اہلکار کو فوری اثر سے معطل کردیا ہے۔