اسٹیٹ بینک آف انڈیا نے پولیس کو 10 ہزار پی پی ای کٹ سونپا

ریاست اترپردیش کے ضلع گورکھپور میں واقع اسٹیٹ بیک آف انڈیا نے گورکھپور پولیس کو 10 ہزار پی پی ای کٹ دستیاب کرائی ہے۔

عالمی وبا کورونا وائرس کے پیش نظر ملک بھر میں لاک ڈاؤن ہے۔ ایسے وقت میں پولیس اپنی جان خطرے میں ڈال کر عام لوگوں کو بچانے کے لیے سوشل ڈسٹنسنگ فالو کروا رہی ہے۔

اسٹیٹ بینک آف انڈیا کے جنرل مینیجر پی سی بروڑ کی قیادت میں بینک کی ایک ٹیم نے سنیچر کے روز گورکھپور پولیس کو 10 ہزار پی پی ای کٹ اور ماسک دیے، جس سے ڈیوٹی کے دوران وہ اپنی حفاظت کرسکیں۔

اس دوران ڈی آئی جی گورکھپور رینج راجیش ڈی مودک کی اہلیہ جیوتی مودک موجود تھیں۔ اس موقع پر پولیس اہلکاروں کو اچھی طرح سے ڈیوٹی کرنے کی صلاح دی گئی، وہیں سینئر پولیس افسر نے بھارتی اسٹیٹ بینک کا شکریہ ادا کیا۔