ندی کے کے قریب شادی شدہ خاتون کی کار میں اس کا سوسائڈ نوٹ برآمد ہوا جس سے پولیس کو یہ پوری طرح سے یقین ہو گیا کہ کومل نے ندی میں کود کر خود کشی کر لی ہے۔
ضلع علی گڑھ میں کسان یونین کے قومی جنرل سکریٹری انل تالان کی شادی شدہ بیٹی کومل تین روز قبل مشتبہ حالت میں غائب ہو گئی تھی۔ کومل کی گاڑی غازی آباد کی ہنڈل ندی کے کنارے ملی جس میں سوسائڈ نوٹ بھی تھا۔ اس سوسائڈ نوٹ سے پتہ چلا کہ کومل کے سسرال والے اسے پریشان کرتے ہیں۔ جس سے تنگ آکر اس نے خود کشی کر لی ہے۔ کومل کی شادی دہلی میں ایک پولیس اہلکار کے بیٹے سے ہوئی ہے۔
ہائی پروفائل کیس حل، لاپتہ خاتون کی خودکشی فرضی کومل کے اہل خانہ کا کہنا ہے کہ انہوں نے اپنی بیٹی کو کافی جہیز دیاتھا لیکن اس کے باوجود انکی بیٹی کو سسرال والے پریشان کررہے تھے۔
معاملہ ہائی پروفائل ہونے کی وجہ سے پولیس نے غوطہ خور اور این ڈی آر ایف کی ٹیم اور غوطہ خور کی ٹیم نے غازی آباد سے دہلی تک ہنڈل ندی کی خاک چھان لی لیکن کومل کا سراغ تک نہیں ملا۔
اس درمیان کومل کے موبائل کی لوکیشن مسلسل بدل رہی تھی اور پولیس اسی نہج پر کومل کو مختلف مقامات پر تلاش کررہی تھی۔ بالآخر پولیس نے کومل کو بنگلورو سے آج صبح برآمد کیا۔
اس معاملے میں پولیس کا کہنا ہے کہ کومل نے اس طرح کا قدم کیوں اٹھایا وہ اس کی تحقیقات کر رہے ہیں۔ حالانکہ پولیس کا یہ بھی کہنا ہے کہ کومل نے اپنے سسرال والے سے تنگ آکر اس طرح کا قدم اٹھایا ہے لیکن تحقیقات کے بعد ہی پورے معاملے کا انکشاف ہوگا۔
وہیں کومل کے والد انل پاتال نے اپنی بیٹی کے غائب ہونے کے بعد اس کا سارا الزام اس کے سسرال والوں پر عائد کرتے کہا ہے کہ اسے پریشان کیا جاتا تھا۔ اسی لیے ان کی بیٹی نے اس طرح کا قدم اٹھایا ہے۔
