علاج کا ایک طریقہ ایسا بھی!

غازی آباد کے ایم ایم جی اسپتال میں ایک بزرگ مریض کے پیر میں آپریشن سے پہلے اینٹ باندھی گئی تو ڈاکٹرنے کہا کہ یہ بھی علاج کا ایک حصہ ہے۔

دہلی سے ملحق غازی آباد میں علاج کا ایک مختلف اور انوکھا طریقہ سامنے آیا ہے جہاں ایک بزرگ شخص کے آپریشن کے لیے اس کے پیرمیں اینٹ باندھ دیا گیا جس کے بارے میں ڈاکٹروں کا کہنا ہے کہ یہ بھی علاج کا ایک طریقہ ہے۔

واضح رہے کہ بزرگ مریض کو کولہے کا آپریشن کے لیے اسپتال میں داخل کرایا گیا تھا اور آپریشن سے پہلے ہی بزرگ کے پیر میں اینٹ باندھ دی گئی تھی۔

سی ایم ایس رویندر رانا سے جب اس تعلق سے پوچھا گیا تو انھوں نے کہا کہ اب پورا ہندوستان دیسی کی طرف بڑھ رہا ہے خود وزیر اعظم نریندر مودی بھی لوگوں کو دیسی کے لیے بلاتے ہیں۔

علاج کا ایک حصہ ہے جب ان سے پوچھا گیا کہ کیا انتظامیہ کی طرف سے اسپتالوں کو وزن فراہم نہیں کیا جاتا ہے تو انہوں نے واضح طور پر کہا کہ جب ہمیں ملے گا تو لگا دینگے۔