گرونانک دیو جی کی 550ویں یوم پیدائش پر شوبھا یاترا

ریاست بہار کے ضلع گیا میں سکھ مذہب کے بانی ومصلح قوم گرو نانک دیوجی کی 550ویں یوم پیدائش کے موقع پر گرودوارہ سے شوبھا یاترا نکالی گئی، جو باٹا موڑ ، شیوراجپوری روڈ ، کیدارناتھ مارکیٹ ، گول پتھر موڑ ، ٹکاری روڈ ہوتے ہوئے گوردوارہ صاحب پہنچ کر اختتام پذیر ہوئی۔

اس میں روایتی تلوار بازی کی بھی نمائش کی گئی۔عقیدت مندوں نے شہر کی سڑکوں پر صفائی اور پانی کا چھڑکاؤ کیا۔ نگر کیرتن شوبھا یاترا میں سکھ مذہب کے مرد و خواتین عقیدت مند شامل ہوئے۔

کمل جیت کور نے کہا کہ یہ لحمہ انکے لیے خوشیوں اور عقیدت کا ہوتا ہے۔ گرونانک دیو جی کی پوری دنیا میں ساڑھے پانچ سو سال یوم پیدائش تزک واحترام کے ساتھ منائی جارہی ہے۔ گرورنانک جیسے پیر صدیوں بعد ہوتے ہیں۔ انکی تعلیم انسانیت کے لیے تھی اور امن کا پیغام انکے بتائے راستوں پرچل دیا جائیگا۔ انہوں نے بتایا کہ گزشتہ تیرہ دنوں سے پربھات پھیری نکالی جارہی تھی۔

آج پیر کو شوبھا یاترا نکالی گئی ہے۔کل رات میں یوم پیدائش کا جشن آتش بازی اور دوسرے کاموں کوانجام دیکر منایاجائیگا۔