Bihar Scholarship 2022: اسکالرشپ پورٹل پر اپ لوڈ درخواستوں کی جانچ مکمل

گیا میں پری میٹرک اورپوسٹ میٹرک اقلیتی اسکالرشپ کے لیے ویریفکشن مکمل ہوچکا ہے۔ ضلع میں پانچ ہزار سے زیادہ طلبہ و طالبات نے اسکیم سے مستفید ہونے کے لیے درخواست دی ہے۔Post and Pre-Matric Scholarship

گیا:ریاست بہار کے ضلع گیا میں محکمہ اقلیتی بہبود نے اسکالرشپ کے لیے پری میٹرک اورپوسٹ میٹرک کی جانچ مکمل کرلی ہے۔ رواں سال کے لیے درخواست لینے کے بعد جانچ کی کارروائی کی جارہی تھی. اس میں متعلقہ اسکول اور اس کے طلبہ کا بھی وریفیکشن کیا جارہا تھا کہ اسکول درخواست کے مطابق اس جگہ پر موجود ہے یا نہیں؟ یا جس اسکول کا نام طلبہ نے اپنے فارم میں درج کیا ہے وہ اس اسکول میں زیر تعلیم ہیں یا کہ نہیں؟ اس پر بھی جانچ کی کارروائی کی جاتی ہے۔ Post Matric Scholarship

اس حوالے سے ضلع اقلیتی بہبود افسر جتیندر کمار نے بتایا کہ وریفیکشن کا کام ہوچکا ہے۔ اسکول سے بھی رپورٹ لی گئی ہے۔ محکمہ کی کوشش ہوتی ہے کسی طرح بھی اس میں بدعنوانی کا معاملہ پیش نہیں آئے۔ انہوں نے کہا کہ اس سلسلے میں گیا کی کارکردگی اور کاروائی ہمیشہ بہتر ہوتی ہے ۔

انہوں نے کہا کہ ایسا نہیں ہے کہ وریفیکشن ہوچکا ہے تو آگے مزید جانچ نہیں ہوسکتی ہے اگر کسی درخواست یا اسکول آگے مشکوک نظر آیا یا شکایت موصول ہوتی ہے تو اس صورت میں بھی کاروائی ہوگی ۔

واضح رہے کہ پوسٹ میٹرک اور پری میٹرک میں مرکزی حکومت کی طرف سے اقلیتی طلبہ و طالبات کو دس ہزار تک اسکالرشپ بہتر تعلیم کے لیے دیا جاتا ہے. اقلیتی اسکالرشپ پورٹل پر درخواست گزار اپنے کاغذات اپ لوڈ کراتے ہیں جسکے بعد جانچ کی کارروائی ہوتی ہے