گیا: راشٹریہ علماء کونسل کی جانب سے اجلاس

راشٹریہ علماء کونسل کا قیام سنہ 2008 میں عمل میں آیا تھا۔

پارٹی نے علاقے میں اپنی شاخ کو مضبوط بنانے کی کوششیں شروع کردی ہے۔

ریاست بہار کے ضلع گیا میں راشٹریہ علماء کونسل کے دفتر میں ایک میٹنگ منعقد کی گئی۔ضلعے میں پارٹی کی گرفت مضبوط کرنے کے لیے پارٹی نے چار اراکین کو اہم ذمہ داری سونپی۔

جاوید عالم اور ابو شہما عالم کو ضلع کا سکریٹری جبکہ مظفر حسین اور محمد عبدالی کو گیا اسمبلی حلقے کا سکریٹری نامزد کیا گیا۔

اس موقع پر پارٹی کے ریاستی صدر محمد فردوس احمد نے بتایا کہ ”پارٹی کو مضبوط بنانے کے لیے لوگوں کو پارٹی سے جوڑا جارہا ہے۔“

انہوں نے مزید کہا کہ ”پارٹی گاؤں گاؤں گھوم کر عوام کو راشٹریہ علماء کونسل سے جوڑنے کی کوشش کرے گی“۔