ٹرین سے کٹ کر ریلوے ملازم کی موت، لاش کے اوپر سے گزری مال گاڑی

حادثے میں ملازم کی موت کی خبر اسٹیشن ماسٹر کے ساتھ ساتھ جی آر پی کو بھی دی گئی تھی، اس کے بعد بھی اس روٹ پر آنے والی گاڑی کو نہیں روکا گیا۔

بہار کے کیمور میں ریلوے کی بڑی غفلت سامنے آئی ہے۔ یہاں ایک ریلوے ملازم ٹرین سے کٹ کر ہلاک ہو گیا اس کے بعد لاش پر سے ایک مال گاڑی گزری۔

پنڈت دین دیال اپادھیائے گیا ریلوے ڈویژن کے نیو کدرہ ریلوے اسٹیشن پر پوروا ایکسپریس کی زد میں آنے سے ایک ریلوے ملازم کی موت ہونے کی اطلاع ہے۔

ٹرین کی زد میں آنے سے ہلاک ہونے والا ملازم بہار کے ہی کٹیہار ضلع کا باشندہ دھرما منڈل بتایا گیا ہے۔ بتایا جاتا ہے کی دھرما منڈل آج شام قریب چار بجے آپ ریلوے لائن پر کام کر رہا تھا۔ تبھی تیز رفتار سے آرہی پو روا اکسپریس کی زد میں آ گیا۔ جس سے اس کی موت موقع پر ہی ہو گئی۔

بتایا جاتا ہے کو اس حادثہ کی خبر اسٹیشن ماسٹر کو ریلوے ملازم کی جانب سے دی گئی ساتھ میں جی آر پی کو بھی دی گئی تھی۔ لیکن اس کے بعد بھی معاملے کو حساس طور پر نہیں لیا گیا۔ کافی دیر تک لاش ریلوے ٹرنک پر ہی پڑی رہی۔ اس بیچ ایک مال گاڑی ٹرین بھی اسی ٹریک سے گزری۔ جس سے لاش کی حالت اور بری ہو گئی۔