بہار کے ضلع گیا کے پربھاوتی اسپتال کی ایک خاتون ڈاکٹر کی کورونا جانچ کی رپورٹ مثبت آنے کے بعد اسپتال کے تمام ہیلتھ ورکرز میں خوف پیدا ہوگیا ہے۔ سبھی صحت ملازمین، اے این ایم، پیرا میڈیکل عملہ اپنی کورونا جانچ کروانے کا مطالبہ کر رہا ہے۔
اسپتال کے اسٹاف کا کہنا ہے کہ جس ڈاکٹر کی کورونا مثبت رپورٹ آئی ہے، اس خاتون ڈاکٹر کا ہر ایک سے رابطہ ہے۔ اسی لئے ہر ایک اسٹاف کا ٹیسٹ کروانا ضروری ہے۔
اسپتال کے اسٹاف نے بتایا کہ اسپتال میں دستانے اور کٹس کی بھی کمی ہے۔ کورونا جانچ کی رپورٹ منفی آتی ہے تب بھی سینیٹائز کا بندوبست کرنا چاہئے۔ وہیں کورونا سے متاثرہ خاتون ڈاکٹر کو انوگرہ نارائن مگدھ میڈیکل اسپتال کے آئیسولیشن وارڈ میں داخل کردیا گیا ہے۔
اسپتال اسٹاف کے ہنگامے کو دیکھتے ہوئے اسپتال سپرنٹنڈنٹ ایچ کے چودھری نے کہا کہ تمام صحت ملازمین کی فوراً جانچ کرانا ممکن نہیں ہے جس میں ان کی علامات ملتی ہیں ان کا ہی ٹیسٹ کیا جائے گا۔
انہوں نے کہا کہ اس کے متعلق ڈی ایم اور سول سرجن کو آگاہ کردیا گیا ہے۔