گیا: تاریخی ٹاور اپنی خستہ حالی شکار

انگریزوں کے دور اقتدار میں اس عالیشان ٹاور کی تعمیر ہوئی تھی۔ اس ٹاور میں ایک بڑی گھڑی بھی لگائی گئی تھی ۔تاکہ شہر کے باشندے وقت بھی دیکھ سکیں اور اسکی خوبصورتی میں اضافہ بھی ہو مگر یہ تاریخی ٹاور اپنی خستہ حالی شکار ہے ۔

ریاست بہار کے ضلع گیا میں کئی تاریخی مقامات اور عمارتیں ہیں، لیکن ان میں زیادہ تر عمارتیں انتظامیہ کی عدم توجہی کا شکار ہیں جسکی وجہ سے انکی تاریخی شناخت دھندلی ہورہی ہے۔

انگریزی حکومت کے دوراقتدار میں اس عالیشان ٹاور کی تعمیر ہوئی تھی۔ اس ٹاور میں ایک بڑی گھڑی بھی لگائی گئی تھی ۔تاکہ شہر کے باشندے وقت بھی دیکھ سکیں اور اسکی خوبصورتی میں اضافہ بھی ہو مگر یہ تاریخی ٹاور اپنی خستہ حالی شکار ہے ۔

انتظامیہ کی جانب سے اسکے رکھ رکھاو کے لئے کسی طرح کے انتظامات نہیں کئے گئے ہیں۔ اس پر لگی وسیع گھڑی برسوں سے خراب پڑی ہے۔

اطلاع کے مطابق یہ علاقہ رات دن گلزار رہتا ہے، اس علاقے میں کپڑوں سے لیکر زیورات کے مال اور سنیما ہال سمیت، بینک، ہوٹل وغیرہ سبھی کچھ ہیں، پارٹیوں کی جانب سے احتجاج ومظاہرہ یہاں پر زیادہ ہوتا ہے۔

اسکے باوجود انتظامیہ کی جانب سے اس پردھیان نہیں ہے۔ اسکے رنگ وروغن کے کام ہوئے برسوں گزرگئے ہیں، روٹری کلب کے ایک رکن ابھے اگروال کہتے ہیں اس تاریخی ٹاور کی خستہ حالی کودیکھ کرمایوسی ہوتی ہے۔

تیس برس قبل اس گھڑی کو درست کرایا گیاتھا مگر آٹھ نو ماہ میں دوبارہ گھڑی خراب ہوگئی جو آج تک خراب پڑی ہے۔

روٹری کلب کے رکن ابھے اگروال نے بتا یا کہ شہر میں کئی ایسے لوگ موجود ہیں جو اپنے اخراجات سے ٹاور کی حالت بدل سکتے ہیں مگر نہ توانتظامیہ خود رنگ وروغن اور منٹیننس کا کام کراتی ہے اور نہ ہی کسی کوکرانے کی اجازت دیتی ہے۔