گیا میں میانمارکی پانچ خواتین گرفتار

ریاست بہار کے گیا ہوائی اڈہ پر ایک بڑا حوالہ ریکٹ کا انکشاف ہوا ہے جس میں میانمار کی پانچ خواتین کو پولیس نے گرفتار کیا ہے، ان کے پاس سے تین لاکھ امریکی ڈلر بھی برآمد ہوئے ہیں۔

گیا ہوائی اڈہ پر گرفتار خواتین کے پاس سے ضبط کی گئی غیر ملکی کرنسی کو محکمہ کسٹم کے ذریعے ضبط کیا گیا ہے، اطلاعات کے مطابق یہ خواتین میانمار کی بین الاقوامی پرواز سے میانمار (برما) کے لیے فرار ہونے کی فراق میں تھیں، لیکن ہوائی اڈے پر تفتیش کے دوران ان خواتین کوگرفتارکیا گیا۔

وائی اڈے پر تعینات کسٹم کمشنر ایل ٹی بھوٹیا نے بتایا کہ 'میانمار کی پانچ خواتین اپنے بیگ میں تین لاکھ ڈالر رکھ کر میانمار جارہی تھیں، جنہیں چیکنگ پوائنٹ پر پکڑا گیاہے۔ ایک اندازے کے مطابق بھارتی کرنسی میں ان ڈالر کا تخمینہ تقریباً دو کروڑ روپے بتایا جا رہا ہے، پولیس اب ان تمام خواتین سے پوچھ گجھ کررہی ہے۔

کسٹم کمشنر کے مطابق یہ خواتین مختلف بیگ میں پیسہ لے کر جا رہی تھیں، یہ پیسہ کہاں سے آیا اور کس نے دیا اس بارے میں تحقیقات کی جارہی ہے، اس ضمن میں مقامی رابطوں کی بھی تفتیش کی جارہی ہے۔