'انسانوں کے لئےصفائی اورحفظان صحت ضروری ہے'

'مرکزی حکومت ملک کو صاف ستھرا بنانے کی مہم چلارہی ہے، صاف بھارت مشن کو کوکامیاب بنانے کی ذمہ داری ہم سب کی ہے'

ریاست بہار کے ضلع گیا میں سی آرپی ایف بٹالین صفائی ستھرائی کے لئے سڑک پر اترے، شہر کے مختلف علاقوں سمیت پترپکش میلے میں پہنچ کر جوان وافسران نے صفائی کی۔

سی آرپی ایف کے 159 بٹالین کے جوان وافسران کے ساتھ کمانڈر نشانت کمانڈنٹ بھی موجود رہے، جن کی قیادت میں سیتاکنڈ اور دیگر علاقوں میں صفائی کی گئی، اور مقامی باشندوں سے اپنے شہر کو صاف ستھرا رکھنے کی اپیل کی۔

ڈاکٹرکمار نے کہا 'کہ انسانوں کے لئے صفائی اورحفظان صحت ضروری ہے، اسی لئے مرکزی حکومت ملک کو صاف ستھرا بنانے کی مہم چلارہی ہے، صاف بھارت مشن کو کوکامیاب بنانے کی ذمہ داری ہم سب کی ہے'۔

انہوں نے کہا'کہ گندگی کی وجہ سے بہت سے بیماریاں پھیلتی ہیں، اس سے بچاؤ کے لئے حفظان صحت اورصفائی واحد طریقہ ہے، ہم اگر گندگی نہیں پھیلائیں اور منظم طریقے سے کچروں کو رکھ کر میونسپل کارپوریشن کے صفائی ملازمین کوسونپیں تو گندگی نہیں پھیلے گی'۔

واضح رہے کہ سی آرپی ایف اکثر وبیشتر شہر میں سماجی کاموں میں دلچسپی لیتی ہے، حال ہی میں وزیراعلی نتیش کمار کی جل جیون ہریالی منصوبے کے تحت شجرکاری مہم کے لیے معاشرے کو آگے آنے کی اپیل کی تھی۔