گیا ضلع پریشد کے پہلے چیئرمین وسابق وزیر شتروہن شرن سنگھ کی برسی ہفتہ کو منائی گئی۔ شتروشرن سنگھ مجاہدآزادی تھے، 1952 میں ضلع پریشد گیا کے وہ پہلے چیئرمین بھی منتخب ہوئے تھے۔ ضلع پریشد آفس میں شتروہن سنگھ کا مجسمہ بھی لگا ہے، جہاں ہر سال برسی مناکر انہیں خراج عقیدت پیش کی جاتی ہے۔
مجاہد آزادی شتروہن سنگھ کے پوتا اجے شرن نے کہا کہ وہ اپنے دادا کی زندگی سے متاثر ہیں، انہوں نے ملک میں آزادی کی لڑائی اور آزادی کے بعد ملک و ضلع کی خوشحالی ترقی کی لڑائی لڑی تھی۔ وہ آزادی کی جنگ میں کالاپانی کی سزا بھی کاٹ چکے ہیں۔ انکی برسی گزشتہ چارسالوں سے منائی جارہی ہے۔
مجاہد آزادی شتروہن سنگھ کے گاؤں کے مکھیا جگناتھ شرما نے کہا کہ مجاہدآزادی آنجہانی شتروہن سنگھ غریبوں کے مسیحا تھے۔ انہوں نے اپنے دور میں ہزاروں افراد کو پڑھوایا اور نوکری میں لگوایا جنکے بچے آج ملک کی خدمت میں لگے ہیں۔