بینکنگ لوک پال اسکیم کے تحت بیداری پروگرام

ریاست بہار کے ضلع گیا میں بینکنگ لوک پال اسکیم کے تحت ریزروبینک پٹنہ کی جانب سے بیداری پروگرام منعقد ہوا۔ اس میں تاجروں سمیت عوام کو بینکنگ سے متعلق کئی خصوصی معلومات فراہم کرائی گئی۔

گیا شہر میں منعقد بیداری پروگرام میں بینکنگ لوک پال اسکیم سنہ 2006 اور ڈیجیٹل ٹرانزیکشن اسکیم سنہ 2011 اور غیر بیکنگ مالیاتی کمپنیوں کے لیے لوک پال اسکیم سنہ 2018 کے متعلق تفصیلی معلومات فراہم کرائی گئی۔ اسکے علاوہ بینک سے متعلق شکایت درج کرنے کولیکر معلومات دی گئی اور کہا گیا کہ بیکنگ کے دوران یا کسی اور مواقع پر اپناپا سورڈ ، اے ٹی ایم پن، اوٹی پی یادیگر خفیہ معلومات کسی سے بھی تبادلہ ہرگز نہ کریں۔ ڈیجیٹل ٹرانزیکشن خصوصی دھیان دیکر پورے آپشن کو پڑھ کر کرنے کامشورہ دیا گیا۔'

لوک پال ریزروبینک آف انڈیا پٹنہ کے منیجر ورون اپادھیائے نے کہاکہ بینک صارفین کے مسائل کا سدباب کرنا ہماری ذمہ داری ہے۔ لوک پال کے تین منصوبے کے تحت صارفین کو کیا فائدے ہیں اسکی معلومات فراہم کرنا انتہائی ضروری ہے تاکہ صارفین اپنے حقوق کا استعمال کرسکیں، اگر کسی صارفین کے کسی شکایت کو بینک نہیں سنتا ہے تو وہ لوک پال ریزروبینک آف انڈیا سے شکایت کرسکتے ہیں اور اسکا کسی طرح کا چارج نہیں ہے، بالکل مفت خدمات دی جاتی ہے۔'

اسسٹنٹ منیجر یشونت سنگھ نے کہاکہ کسی مسئلے کو لیکر آپ بینک میں شکایت کرتے ہیں اور آپ کی شکایت کی 30 دنوں کے اندر حل نہیں ہوتی ہے تو آپ اس کی شکایت ریزرو بینک سے کرسکتے ہیں۔ صارفین کو اس کی معلومات دینا ضروری ہے کہ وہ اپنے حقوق کے استعمال کیسے کریں۔
بینک آف بڑودا کے سنیئرمنیجر ابھشیک نے کہاکہ' اس طرح کے پروگرام ہرجگہ پر ہونا چاہئے تاکہ لوگوں کے درمیان بیداری ہو اور وہ اپنے دائرہ کووسیع کرسکیں'۔