سلمان خورشید، پی چدمبرم، دگ وجے سنگھ اور کنگنا کے خلاف کورٹ میں ہوگی سماعت

سابق وزیر خارجہ اور کانگریس کے سینیئر رہنما سلمان خورشید کی لکھی کتاب 'سن رائز اوور ایودھیا' کے خلاف سلمان خورشید، کتاب کے اجراء کرنے والے سابق وزیر خزانہ پی چدمبرم اور مدھیہ پردیش کے سابق وزیراعلی دگ وجے سنگھ کے خلاف معاملہ درج کیا گیا ہے۔ وہیں اظہار احمد عرف بہاری نے کنگنا رناوت کے خلاف ایف آئی آر درج کرایا ہے۔ جس کی اگلی سماعت سات دسمبر مقرر کی گئی ہے۔

دھنباد: سابق وزیر خارجہ سلمان خورشید، سابق وزیر خزانہ پی چدمبرم اور مدھیہ پردیش کے سابق وزیر اعلیٰ دگ وجئے سنگھ کے خلاف منگل کو دھنباد کی عدالت میں مقدمہ درج کیا گیا۔ جس پر آج سماعت ہوئی اور عدالت نے درخواست منظور کرلی۔ مقدمے کی سماعت فرسٹ کلاس مجسٹریٹ کی عدالت میں ہوگی۔ ساتھ ہی فلم اداکارہ کنگنا رناوت کے خلاف بھی مقدمہ درج کیا گیا تھا جسے سماعت کے لیے منظور بھی کرلیا گیا ہے۔ کانگریس رہنماؤں پر مذہبی جذبات کو ٹھیس پہنچانے کا الزام ہے۔ مقدمہ درج کرتے ہوئے جھریا کے رہائشی ایڈوکیٹ ایس پی سنگھ نے عدالت سے ملزمین کے خلاف سمن جاری کرنے کی درخواست کی تھی۔

چیف جوڈیشل مجسٹریٹ، دھنباد کی عدالت میں درج شکایت کے مطابق 11 نومبر 2021 کو سابق وزیر خارجہ اور کانگریس کے سینیئر رہنما سلمان خورشید کی تصنیف کردہ کتاب 'سن رائز اوور ایودھیا' سابق وزیر خزانہ پی چدمبرم اور مدھیہ پردیش کے سابق وزیر اعلیٰ دگ وجے سنگھ نے کتاب کا اجراء کیا تھا۔

وکیل نے الزام لگایا ہے کہ مذکورہ کتاب کے باب 'سیفران اسکائی' کے صفحہ نمبر 113 میں سلمان خورشید نے مذہبی منافرت پھیلانے کی نیت سے لکھا ہے کہ 'سناتن دھرم اور کلاسیکی ہندوتوا جسے بابا سنت جانتے ہیں، اس طرح کو پس پشت ڈال کر جسے آگے بڑھایا جا رہا ہے، جو ہر طرح سے داعش اور بوکوحرام جیسی اسلامی جہادی تنظیموں کی سیاسی شکل سے مشابہت رکھتا ہے۔ وکیل نے الزام لگایا کہ یہ جان بوجھ کر کیا گیا ہے۔ دوسری طرف، دھنباد عدالت نے اس معاملے میں اگلی سماعت 7 دسمبر کو مقرر کی ہے۔

اس کے ساتھ ہی ایک اور معاملے میں کنگنا رناوت کے خلاف صدر تھانہ علاقے کے پنڈارپالا کے رہنے والے سماجی کارکن اظہار احمد عرف بہاری نے بھی مقدمہ درج کرایا تھا۔ جس کو بھی عدالت نے سماعت کے لیے قبول کیا ہے۔ عدالت نے اس معاملے میں اگلی تاریخ 16 دسمبر مقرر کی ہے۔