دھنباد: بند گھر میں ایک ہی کنبے کے تین افراد کی لاشوں سے سنسنی

ریاست جھارکھنڈ کے ضلع دھنباد میں واقع جوڑا پوکھر تھانہ علاقے میں ایک بند پڑے گھر میں بیوی شوہر اور ایک 13 ماہ کی بچی کی لاش ملی ہے۔

خاتون اور بچی کی لاش خون میں لت پت ملی جبکہ شوہر کی لاش پھانسی کے پھندے سے لٹکی ملی ہے۔ گھر سے بدبو آنے کی اطلاع مقامی لوگوں نے پولیس کو دی۔ جورا پوکھر تھانہ کی پولیس موقع پر پہنچی اور معاملے کی تحقیق شروع کی۔ پولیس نے اس معاملے میں ابھی کچھ بھی واضح نہیں کیا ہے۔ مزید اطلاعات کا انتظار ہے۔