ٹریکٹر کی ٹکر سے بیوی کی موت، شوہر کو معمولی چوٹ

گوتم بدھ نگر کے دادری کوتوالی کے تحت میونسپل کونسل کے قریب اپنے بھائی سے مل کر واپس آرہی خاتون کی سڑک حادثے میں موت ہوگئی۔ حادثے میں خاتون کا شوہر حیران کن طور پر معمولی زخمی ہوا جبکہ بائیک وہی چلا رہا تھا۔

امکا روڈ کٹ پر بلند شہر کی جانب سے آنے والے سیمنٹ سے بھرے تیز رفتار ٹریکٹر نے بائیک سوار جوڑے کو ٹکر ماری، حادثہ میں خاتون کی موقع پر ہی موت ہو گئی۔حادثہ کے بعد اوور لوڈ ٹریکٹر چھوڑ کر ڈرائیور فرار ہو گیا۔

کھیڈا گاؤں کے رہائشی پون شرما اپنے اہلیہ کے ساتھ موٹرسائیکل سے شہر میں اپنے بھائی سے ملنے آئے تھے، پون کا بھائی بلدیہ کے نزدیک موٹر سائیکل کی مرمت کی دکان چلاتا ہے۔ خاتون اور اس کا شوہر دکان سے گھر لوٹ رہے تھے تبھی یہ حادثہ پیش آیا۔

پولیس نے نعش قبضہ میں لے کر پوسٹ مارٹم کے لئے بھیج دی ہے۔