'عام بجٹ اقلیتوں کے لیے مایوس کن'

آسام کے دھبری سے رکن پارلیمان اور اے آئی یو ڈی ایف کے سربراہ مولانا بدرالدین اجمل نے دعویٰ کیا ہے کہ وزیر مالیات نرملا سیتا رمن نے اقلیتوں کو مایوس کیا ہے۔

رکن پارلیمان نے کہا کہ اقلیتوں کے لیے یہ بالکل ایسے ہی ہے جیسے 'اونٹ کے منہ میں زیرہ'۔

ای ٹی وی بھارت سے خصوصی گفتگو کے دوران رکن پارلیمنٹ نے کہا کہ 4700 کروڑ میں اقلیتوں کی بہبود کیسے ہوگی؟

جس طرح مودی حکومت نے 'سب کا ساتھ سب کا وکاس اور سب کا وشواس' کا نعرہ دیا اور ہر برس اقلیتوں کے لیے ایک کروڑ سکالرشپ کا اعلان کیا تھا، اس کے لیے پیسہ کہاں ہیں؟

مولانا بدرالدین اجمل نے ایک سوال کے جواب میں کہا کہ مدرسہ ماڈرنائزیش سکیم کا کیا مطلب ہے جب اس کے لیے پیسے ہی نہیں۔

آل انڈیا یونائیٹیڈ ڈیموکریٹک فرنٹ (اے آئی یو ڈی ایف) کے سر براہ مولانا اجمل نے کہا کہ میں اقلیتی وزیر کو مشورہ دیتا ہوں کہ وہ دوبارہ سے وزیر خزانہ سے ملاقات کریں اور بجٹ میں اضافہ کے لیے زور دیں۔