'پریس کی آزادی کا ہم نے احترام کیا ہے'

اطلاعات و نشریات کے مرکزی وزیر پرکاش جاویڈکر نے کہا کہ بھارتی آئین نے پریس کی آزادی کو بنیادی حقوق کے زمرے میں رکھا ہے جس کا ہم نے احترام کیا ہے.

پرکاش جاویڈکر نے پیر کو ورلڈ پریس فریڈم ڈے کے موقع پر اپنے ٹوئٹ پیغام میں کہا کہ صرف ایمرجنسی کے دوران کانگریس کے راج میں پریس کی آزادی پر لگام لگانے کی کوشش کی گئی تھی۔ پریس کی آزادی ہمیشہ قائم رہے۔

خیال رہے کہ 1991میں یونیسکو اور اقوام متحدہ کے ’پبلک انفارمیشن ڈپارٹمنٹ‘ نے متحد ہوکر صحافت یوم آزادی منانے کا فیصلہ کیا تھا۔

اقوام متحدہ جنرل اسمبلی نے تین مئی کو اس دن کا اعلان کیا تھا۔ 1993میں یونیسکو جنرل اسمبلی کے 26 ویں اجلاس میں اس سے متعلق تجویز کو منظور کیا گیا تھا اور تب سے لیکر اب تک ہر برس تین مئی کو یہ دن منایا جاتا ہے۔