مرکزی وزیر صحت ڈاکٹر ہرش وردھن نے اتوار کے روز آل انڈیا انسٹی ٹیوٹ آف میڈیکل سائنسز (ایمس) میں پلازما ڈونیشن ڈرائیو کا آغاز کیا۔ اس موقع پر ہرش وردھن نے کوویڈ ۔19 سے بازیاب ہونے والوں سے پلازما کا عطیہ کرنے کی اپیل کی۔
اس موقع پر ہرش وردھن نے عوام سے مطالبہ کیا کہ وہ کرونا کی وبا سے لڑنے کے لیے آگے آئیں، انہوں نے کہا کہ بھارت میں کورونا مریضوں کی صحت یابی کی اعلی شرح کے باوجود صحت مند مریضوں کے ذریعہ پلازمہ کا عطیہ دینے کی رفتار میں کوئی تیزی نہیں آئی ہے۔
وزیر صحت نے کہا، 'کوویڈ 19 پر ہماری فتح میں ہر ڈونر کی اہمیت ہے اور ہمیں اس وبا سے لڑنے کے لیے زیادہ سے زیادہ پلازمہ وارئیرز کی ضرورت ہے جب تک کہ کوئی یقینی علاج یا ویکسین تیار نہ ہوجائے۔