ایئر فورس کی حکومت کونئے طیارے خریدنے کی تجویز

لداخ میں چین کے ساتھ جاری کشیدگی کے درمیان بھارتی فضائیہ نے حکومت کو 33 نئے طیارے خریدنے کی تجویز دی ہے۔ اس تجویز میں روس کے مگ 21۔29 اور 12 ایس یو۔30 ایم کے آئی طیارے شامل ہیں۔

بھارتی فضائیہ کچھ عرصے سے نئے طیارے خریدنے کے منصوبے پر کام کر رہی ہے لیکن فضائیہ نے اب اس عمل میں مزید تیزی لائی ہے۔ وزارت دفاع کے اعلی سطح کے اجلاس میں آئندہ ہفتے چھ ہزار کروڑ روپے سے زیادہ کی لاگت کی تجاویز کو حتمی منظوری کے لیے پیش کیا جائے گا۔

بھارت نے 10 سے 15 سال کی مدت میں مختلف بیچوں میں 272 سکھوئی۔30 فائٹر جیٹس کے آرڈر دیے۔ سینئر عہدیداروں کا خیال ہے کہ اب تک حاصل کردہ طیاروں کی تعداد ضرورت کے لیے کافی ہوگی۔

بھارتی فضائیہ جو مگ21۔29 کو حاصل کرنے کا منصوبہ بنا رہی ہے، وہ روس کے ہیں، جنہوں نے فضائیہ کو نئے لڑاکا طیاروں کی ضرورت کو پورا کرنے میں مدد کے لئے ان طیاروں کو فروخت کرنے کی پیش کش کی ہے۔