دہلی میں آلودگی پر سپریم كورٹ فکر مند

سپریم کورٹ نے دارالحکومت دہلی میں بڑھتی آلودگی پر تشویش ظاہر کرتے ہوئے آج اتر پردیش، ہریانہ اور پنجاب کے چیف سکریٹریوں کو نوٹس جاری کیا ہے۔

جسٹس ارون مشرا کی قیادت والی بنچ نے کہا کہ دارالحکومت میں بڑھتی ہوئی آلودگی کو دیکھتے ہوئے سبھی قسم کی تعمیراتی سرگرمیوں اور اور ڈیزل گاڑیوں پر بھی پابندی رہے گی۔ اس کے علاوہ کوڑا جلانے پر بھی پابندی ہے اور اگلے سات دنوں تک ڈیزل جنریٹروں کے استعمال پر بھی پابندی لگا دی گئی ہے۔
بنچ نے کہا ہے کہ لوگوں کی زندگی اہم ہے اور حکومت کو اس سمت میں کچھ ٹھوس پہل کرنی ہے اور سڑکوں پر دھول کو کم کرنے کے لئے ان پر پانی کا چھڑکاؤ کیا جائے ۔
سپریم کورٹ نے کہا کہ تمام ریاستوں کے متعلقہ محکموں اور مقامی انتظامیہ کو اس بات کو یقینی بنانے کے لئے کہا گیا ہے کہ فصلوں کے باقیات کو جلانے جیسے واقعات پر مؤثر طریقے سے روک لگائی جائے۔