عدالت عظمی کے فیصلے سے مسلمانوں میں خوشی

عدالت عظمی کے فیصلے کے بعد ملک کے مختلف حصوں سے ان کے پاس مبارک باد کے فون آ رہے ہیں یہ ان کی جیت نہیں ہے بلکہ ملک میں رہ رہے تمام مسلمانوں کی فتح پے۔

عدالت عظمی کی جانب سے آج وسیم رضوی کی عرضی کو مسترد کرتے ہوئے مزید ان پر ہی 50 ہزار روپے کا جرمانہ عائد کیا ہے۔ عدالت کے اس فیصلے پر رضا اکادمی کے سربراہ محمد سعید نوری نے ای ٹی وی بھارت سے کہاکہ' عدالت کے اس فیصلے سے یہ ثابت ہو گیا کہ بھارت میں ابھی جمہوریت باقی ہے۔

انہوں نے کہا کہ' عدالت عظمی کے فیصلے کے بعد ملک کے مختلف حصوں سے ان کے پاس مبارک باد کے فون آ رہے ہیں یہ ان کی جیت نہیں ہے بلکہ ملک میں رہ رہے تمام مسلمانوں کی فتح پے۔ اس دوران انہوں نے بتایا کہ' ڈاسنہ مندر کے مہنت یتی نرسمہا نند سرسوتی کے خلاف بھی رضا اکادمی نے ممبئ میں ایف آئی آر درج کرائی ہے اور انہیں امید ہے کہ جلد ہی ان کے خلاف بھی پولیس کارروائی کرے گی۔

واضح رہے کہ وسیم رضوی نے قرآن مجید کی 26 آیات کو حذف کرنے کے لیے ایک پی آئی ایل درج کرائی تھی اپنی پی آئی ایل میں وسیم رضوی کا کہنا تھا کہ قرآن کی یہ 26 آیات تشدد کو بڑھاوا دینے والی ہے۔

جس پر آج عدالت عظمیٰ کے جسٹس روہنٹن فالی نریمن، بی آر گوئی اور رشیکیش رائے کی بینچ نے سماعت کے دوران وسیم رضوی کی نہ صرف پی آئی ایل مسترد کیا بلکہ اس پر پچاس ہزار روپے بطور جرمانہ بھی عائد کیا ہے۔ درخواست گزار وسیم رضوی ریاست اتر پردیش کے شیعہ سینٹرل وقف بورڈ کے سابق چیئرمین رہے ہیں۔