پراچا کے خلاف توہین عدالت کے حکم پر سپریم کورٹ کا روک لگانے سے انکار

سپریم کورٹ نے وکیل محمود پراچہ کے خلاف سنٹرل ایڈمنسٹریٹیو ٹریبونل (سی اے ٹی) کے جمعرات کو توہین عدالت کے حکم کو روکنے سے انکار کر دیا۔

جج کے ایم جوزف اور جج ایس آر بھٹ پر مشتمل بنچ نے توہین معاملے پر روک لگانے کی محمود پراچا کی درخواست مسترد کردی اور انہیں بلاشرط معافی مانگنے کی صلاح دی۔

عدالت نے کہا کہ ’’سبھی سے یہ غلطی ہوتی ہے، آپ کو صلاح دی جاتی ہے کہ آب بغیر شرط معافی مانگیں، تمام مسائل ختم ہو جائیں گے۔‘‘

خیال رہے کہ محمود پراچہ دہلی فسادات سے متعلق دو سو سے زائد کیسز پر کام کر رہے ہیں۔ محمود پراچا پر مبینہ طور لگاتار پریشر بنایا جا رہا ہے کہ وہ دہلی فسادات سے متعلق سبھی ثبوت پولیس کے حوالے کر دیں۔