سپریم کورٹ کا رکن اسمبلی کی نااہلی کی نوٹس پر سماعت سے انکار

سپریم کورٹ نے رکن اسمبلی کی رکنیت سے نا اہل قرار دینے کی نوٹس کے خلاف دائر عرضی پر سماعت کرنے سےانکار کردیا ہے۔

واضح رہے کہ عام آدمی پارٹی کے غیر مطمئن رکن اسمبلی کرنل دیوندر سہراوت کی اسمبلی کی رکنیت سے نااہل قرار دینے کے نوٹس کے خلاف دائر عرضی پر سماعت کرنے سے انکار کر دیا ہے۔
جسٹس سنجیو کھنہ کی سربراہی والی تعطیلی بینچ نے جمعہ کو کرنل سہراوت کی درخواست سننے سے انکار کر دیا۔

خیال رہے کہ دہلی اسمبلی کے اسپیکر رام نواس گویل نے کرنل سہراوت کے لوک سبھا انتخاب کے دوران بھارتیہ جنتا پارٹی (بی جے پی) میں شمولیت اختیار کرنے کے لیے ایم ایل اے سے نااہل قرار دئے جانے کا نوٹس دیا ہے۔
بینچ نے عرضی خارج کرتے ہوئے کہا، 'آپ نے جو نقطے اٹھایا ہے ان کا اسمبلی کے اسپیکر کے سامنےدفاع کریں ۔" ہم اس وقت آپ کی درخواست سماعت کے لیے قبول نہیں کر رہے ہیں‘‘۔
مسٹر گویل نے کرنل سہراوت کے بی جے پی میں شامل ہونے پردل بدل قانون کے تحت سہراوت کو نوٹس جاری کیاہے ۔
کرنل سہراوت نے امر سنگھ معاملے میں جواب کی درخواست کی تھی کہ نکالے گئے رکن کو نااہل نہیں ٹھہرایا جاسکتا۔