نئے سیمسٹر کے لیے جے این یو کے طلبہ کا رجسٹریشن یکم سے پانچ جنوری تک جاری ہے۔
لیکن طلباء کا کہنا ہے کہ سرور روم بند ہونے کی وجہ سے ہزاروں طلبہ اپنا اندراج نہیں کرا پا رہے ہیں۔
جس کی وجہ سے انہیں بہت ساری پریشانیوں کا سامنا کرنا پڑ رہا ہے۔
طلبہ کا کہنا ہے کہ اگر رجسٹریشن نہیں ہوگا تو وہ اگلے سیمسٹر میں نہیں جاسکیں گے، جس کی وجہ سے ان کی ڈگری مکمل نہیں ہوگی۔
نیز طلبہ کا کہنا ہے کہ وہ وظائف کے لئے بھی درخواست نہیں دے سکیں گے۔
سی آئی ایس کے باہر مظاہرے پر بیٹھے طلبہ کو وہاں سے ہٹایا جارہا ہے، انھیں یہ حوالہ دیا جارہا ہے کہ ہائی کورٹ کا آرڈر ہے ڈپارٹمنٹ سے 100 میٹر کی دوری پر کسی بھی طرح کا احتجاج کیا جائے۔
غور طلب ہے کہ جے این یو میں طلبہ نے ہی سی آئی ایس سرور روم کو مقفل کردیا ہے۔ جس کی وجہ سے طلبہ پریشان ہیں۔
