کورونا وائرس کے پھیلاؤ کو روکنے کے لئے بھارت میں لاک ڈاؤن کا تیسرا مرحلہ نافذ ہو چکا ہے لیکن اس بار کے لاک ڈاؤن میں لوگوں کو کچھ سہولیات بھی دی گئی ہیں، جس میں کچھ دکانیں کھولنے کی اجازت کے ساتھ ساتھ دوسری ریاستوں میں پھنسے مزدوروں اور دیگر لوگوں کو ان کے گھر بھیجنے کے لئے خصوصی ٹرین چلانے کا فیصلہ لیا گیا ہے۔
اس میں ریاستی حکومت وزارت ریل سے خصوصی ٹرین چلانے کی سفارش کرے گی۔
ریاستی حکومتوں نے اپنی ریاستوں اپنی ریاستوں کے پھنسے ہوئے مزدوروں اور دیگر لوگوں کے آن لائن رجسٹریشن کا کام شروع کر دیا ہے۔ پوری تفصیل جمع ہونے کے بعد ریاستی حکومتیں طئے کریں گی کہ کس ریاست سے کتنی ٹرین چلانے کے لئے وزارت ریل کو سفارش بھیجنا ہے۔
ان خصوصی ٹرین کی خاص بات یہ ہوگی کہ یہ جس اسٹیشن سے چلے گی اور جہاں تک اس کا روٹ طے ہوگا، اس کے درمیان پڑنے والے اسٹیشنوں پر یہ کہیں نہیں رکے گی۔
متعلقہ ریاست تک پہنچے کے بعد مزدوروں کو ریاستی حکومت 15 سے 21 دنوں تک کورینٹین میں رکھے گی، تاکہ کورونا وائرس کا چین ٹوٹ سکے۔
بہار کے وزیر اعلیٰ نتیش کمار نے افسران کو ہدایت دی ہے کہ بہار میں بڑی تعداد میں ملک کے مختلف ریاستوں میں پھنسے مزدور و دیگر افراد آسکتے ہیں، اس لئے اس کے لئے تیار ہو جائیں۔
مختلف ریاستوں میں جانے کے لئے مزدوروں کو دئے گئے لنک پر اپنا رجسٹریشن کرانا ہوگا۔