دہلی میں اسپیشل سیل نے پانچ افراد کو گرفتار کیا

شکر پور کے علاقے میں دہلی پولیس کے خصوصی سیل نے تصادم کے بعد پانچ افراد کو گرفتار کیا ہے۔

خصوصی سیل سے وابستہ ذرائع نے بتایا کہ مشرقی دہلی کے شکر پور علاقے میں خصوصی سیل میں تصادم کے بعد کالعدم خالصتانی اور ایک دیگر تنظیم کے پانچ افراد کو گرفتار کیا گیا ہے، جن سے پوچھ گچھ کی جارہی ہے۔

ان میں سے دو کا تعلق پنجاب اور تین کا تعلق مرکز کے زیرانتظام جموں و کشمیر سے بتایا جا رہا ہے۔

ڈی سی پی اسپیشل سیل پرمود کشواہا نے یہ اطلاع دی ہے۔

ذرائع کا کہنا ہے کہ خصوصی سیل ایک طویل عرصے سے ان تنظیموں کی نگرانی کر رہا تھا اور ان کے ممبروں کی مسلسل نگرانی کی جا رہی تھی۔